Nagresulta sa kinagamo ang nagluntad nga vehicular accident sa dalan Lacson, Barangay Mandalagan, ciudad sang Bacolod, kahapon.
Sa interview sang Bombo Radyo kay Bacolod Traffic Authority Office (BTAO) deputy head Jose Antonio ‘Jojo’ Robello, may duha ka pick-up nga nagbungguanay sa tunga sang dalan kag ini ang nagresulta sa paggutok sang trapiko.
Suno diri, may naglabay nga isa ka silver nga auto kag nagsabtanay sila sang isa ka driver sang pick-up.
Nanaog ang driver sang auto kag nangayo sang bulig kay Robello bangod nga ginhampak sang driver sang pick-up ang iya nga salakyan.
Siya ang ginpanugyanan ni Robello nga magbalik sa iya nga auto kag magtinir didto bangod nga pakadto naman ang Bacolod Police Station 2.
Apang, hinali lang nga nakibot si Robello nga nagpukutay na ang duha ka driver kun sa diin gin-alegar nga may bitbit nga tagub sang samurai ang driver sang auto samtang ginalaot ang driver sang pick-up.
Gintambagan man sang mga traffic enforcers ang duha kag amo man ang pag-abot sang kapulisan.
