Trending sa social ang media ang isa ka lalaki matapo ginpakita ang iya matuod-tuod nga paghigugma sa iya naaksidente nga asawa.
Ini matapos nga ginprenda ni Moises Labrador ang iya nga driver’s license sa botika agud makabakal sang bulong sa iya asawa nga naaksidente.
Suno kay Jim Soriano, pharmacist sa amo nga botika, may dala nga reseta si Labrador sang antibiotics kag painkiller nga para kuntani sa iya asawa nga bag-o lang naaksidente.
Suno kay Soirano, naghambal so Labrador nga ibilin anay ang iya driver’s license bangud wala pa siya sang sweldo ka indi pa niya mabayran ang mga bulong.
Apisar nga mahinay ang baligya sadto, nagpasugot si Jim nga buligan si Labrador bangud ginpahayag sini nga kinahanglanon gilayon nga makainom sang bulong sang iya asawa.
Dugang pa sang pharmacist nga naluoy siya kay Labrador bangud nadumduman niya ang iya nga mga ginikanan.
Matapos nga nagviral ang video ni Jim, madamo naman sang nagpalab-ot sang bulig sa mag-asawa.
