Kapin P30 milyones nga balor sang food packs kag cash assistance ang ginpanagtag sang Department of Social Welfare and Development sa mga biktima sang Bagyo Paeng, kag karun ginahulat ang dugang pa nga P50,000 ayuda.
Sa interview sang Bombo Radyo kay DSWD Undersecretary Alan Tanjusay, husto ang pahayag ni President Ferdinand “Bongbong” Marcos sa paghatag sini sang instruction sa prepositioning sang food assistance ilabi na sa katalagman.
Suno kay Tanjusay, kaupod sang food assistance ang paghatag man sang cash assistsnce kag mga hygiene kits sa bilog nga Eegion 6 nga apektado, apang sa karun malapit na lang maubos ang relief packs samtang supisyente pa ang cash assistance.
Bangod nga madamo sang kinahanglan nga irepack, ginaingganyo ni Tanjusay ang gusto magboluntaryo bulig kun sa diin nagakinahanglan sila sang kapin 20 ka mga volunteers kada adlaw nga magbulig sa anom ka probinsya sa Region 6 nga ginalakipan sang Aklan, Antique, Capiz, Guimaras, Iloilo kag Negros Occidental.
Ginpirmahan na ni Social Welfare and Development Secretary Erwin Tulfo ang pagbakal sang dugang nga food packs nga iga-deliver sa Region 6.
Kag para sa mga biktima nga nalunod sa Antique, suno kay Tanjusay, ang DSWD ang naghatag sang burial assistance sa pamilya sang biktima.
May yara pa man sang bastante nga pondo nga pagagamiton tubtub matapos ang tuig.
