May yara na sang sabat ang Regional Director sang Department of Social Welfare and Development (DSWD) Negros Islan Region (NIR) angot sa mga reklamo sang mga wala malista nga beneficiaries sang financial assistance nga apektado sang Red-Striped Soft Scale Insect (RSSI) infestation.
Suno kay DSWD regional director Arwin Razo, ang listahan sang mga qualified beneficiaries ang halin sa Local Government Unit kag ginapasa lamang sa DSWD.
Suno kay Razo, gin-LGU driven nila ang pagkuha sang mga beneficiaries agud nga malab-ot sang mga opisyales sang banwa ukon ciudad ang mga apektado nga sugar farmers kag laborers.
Suno pa diri, ang Local Agricultures Office ang nagakuha sang data kag ginapasa sa Local Social Welfare Offices agud basehan sang mareleasan sang financial assistance.
Ginpahayag sini ang DSWD ang naghatag sang funding matapos nga ang pagdeklarar sang state of emergency bangud sa RSSI infestation kag kun ang pamangkot para sa mga wala madala sa lista mahimo magpamangkot sa local agricultures office.












