Ginaproseso sa karun sang Department of Social Services and Development sa ciudad sang Bacolod ang mga papeles agud nga madugangan ang ginahatag nga fire assistance sa pamilya sang nasunugan sa Purok Active, Barangay Mandalagan, Bacolod City.
Sa interview sang Bombo Radyo Bacolod kay Dr. Ritchelle Verdeprado Manga, pinuno sang Department of Social Services and Development -Bacolod. ang area social worker ang naghatag na sang food and non food items kasubong man ang ciudad sang Bacolod.
Suno kay Manga magluwas sa DSWD ang ciudad sang Bacolod ang naghatag man.
Ginpahayag man sini nga ginaproseso man ang dugang nga fire assistance sa pamilya kag mangin P30,000 na ini.
Naghatag man sang counseling sa pamilya ang City Social Worker sa pamilya ilabi na nga duha gid ka mga bata ang nagtaliwan matapos masunog.
Una ang isa ka tuig lamang kag ang anum ka tuig ang napatay man bangud nga nainfection ang pilas sang bata sa ospital samtang ginapatan sang pagbulong.
Ginrecommend man sang DSSD nga mapriotize agud nga mahatagan sang livelihood assistance ang pamilya sang mga bata nga nagtaliwan bangud sa sunog.
