Ginpasalamatan sang station manager sang Bombo Radyo Bacolod ang tanan nga blood heroes nga nagdonar sang ila hamili nga dugo sa Dugong Bombo 2025: Bloodletting activity sang Bombo Radyo Philippines, in partnership sa Bombo Radyo Philippines Foundation, Inc. kag Philippine Red Cross.
Sa opening speech ni Bombo Daniel Lecciones kaina sang aga, ginapasalamatan gid sini nga nangin maayo ang tiyempo kag wala sang upang sa pagpadulong sang mga donors sa City Mall Mandalagan.
Pahanumdom sini nga makabig baganihan ang mga nagdonar sang dugo, bangod paagi sini may-ara sang masugpunan ang kabuhi.
Ginpasalamatan man sini ang mall management sa liwat nga pagpahanugot sa programa.
Ginpasalamatan man sang chairman sang Board of Directors sang Philippine Red Cross – Negros Occidental/Bacolod City Chapter ang mga nagdonar sang dugo partikular na ang mga organisasyon kag grupo nga naghakot sang mga donors.
Sa interview sang Bombo Radyo Bacolod kay Carlos Ganihong, ang pagdonar sang dugo ang makasalbar sang kabuhi, kag makahatag sang paglaom sa mga tuman nga nagakinahanglan.
Pahanumdom sini nga ang boluntaryo nga pagdonar sang dugo ang wala nagahulat sang kabaylo, apang sa baylo ini ang kada isa nga bag sag dugo ang sarang makasalbar sang tatlo ka kabuhi.
Ang blood donation ang isa sa halimbawa sang self-giving life kaangay kay Hesus.
Nagala-om si Ganihong nga ang kada tinulo sang dugo ang magaserbe nga simbolo sang paglaom, pag-ayo kag pagbangon.
