Liwat nga ginpamatud-an sang Bombo Radyo Philippines ang commitment sini sa serbisyo publiko paagi sa Dugong Bombo nationwide blood-letting campaign.
Wala sang organisasyon sa pungsod nga may yara sang mabakod nga track record sa pag-organisar sang pinakadako kag makaimpluwensya nga single-day blood donation drive sangsa Bombo Radyo Philippines.
Ang Dugong Bombo program ginpatigayon sa 25 key locations nationwide, kahapon, Nobyembre 15, 2025 sa bug-os nga pwersa sang 32 fully digitalized Bombo Radyo kag Star FM stations.
Para sa Bombo Radyo Bacolod, sini nga tuig, nangin madinalag-on ang kampanya sa pagtipon sang 190 blood bags para ihatag sa bloodbanks ang supply sang safe kag life-saving nga dugo.
In partnership sa Bombo Radyo Philippines Foundation, Inc., kag in cooperation sa Philippine Red Cross / Department of Health, sa kabug-usan, ang Dugong Bombo nakagenerate sang 4,657 bags, nga equivalent sa 2,095,650 cc, ukon 2,096 liters, ukon 554 gallons, ukon 10 drums sang dugo ang nadonar halin sa 4,657 ka mga succesful donors.
Ang Dugong Bombo: A Little Pain, A Life to Gain. nga tuigan na nga proyekto sang Bombo Radyo Philippines tuyo nga makabulig sa pagsalbar sang kabuhi, ilabi na sa mga may malala nga sakit, medical emergencies, kag katalagman kun sa diin ang dugo tuman nga kinahanglan.
