Nagdangat sa P975,000 ang balor sang halit sa nagluntad nga sunog sa Purok Magnolia, 16th Lacson St., Brgy. 7, Bacolod City alas-2:09 kaina sang kaagahon, May 7.
Apat ka mga estruktura ang nahalitan sang sunog lakip na ang duha ka panimalay kag duha ka sari-sari store.
Suno sa report sang Bureau of Fire Protection, tatlo ka mga pamilya ukon 18 ka mga indibidwal ang apektado sa insidente.
Gindeklarar ang first alarm alas-2:14 sang kaagahon kag alas-2:24 namn gindeklarar nga fire out.
Wala naman sang may napatay ukon napilasan sa nasambit nga insidente.
Sa karun padayun pa nga ginatun-an sang arson investigation ang rasun sa nagluntad nga sunog.
Sa interview sang Bombo Radyo Bacolod kay Melvin Ninoy, sila ang ginpukaw sang iya nga bata matapos makita nga nagakasunog na ang tiyangge sang iya nga utod.
Apang madasig nga naglapta ang kalayo, gani sila ang rekta nalang naggwa kag wala na sang may nasalbar pa ga pagkabutang.
Paathag ni Ninoy nga indi ila ang duta nga gintukuran sang balay, sa baylo ang tag-iya amo ang anay ginatrabahuan sang iya amay, nga nagpahanugot nga sila ang diri maka-istar.
Apang sang napatay ang ila ginikanan, sila ang ginpahalin na sa lugar sumugod sang 2017.
Nagtanyag ang tag iya nga sila ang hatagan sang relocation kag P25,000 nga financial assistance, apang bangod wala pa nagtupa, sila ang wala paman naghalin sa lugar.
Sila ang may-apat naman ka boarder sa ila balay.// Ang propedad ang ginkandaduhan na sang orihinal nga tag-iya matapos ang sunog.
Aminado si Ninoy nga wala na sila sang mabalikan, gani siya ang emosyonal sa pagpinsar sang ila sitwasyon ilabi na nga person with disability (PWD) ang iya bana.
