Ginpakigbahin sang duha ka kandidata sa Miss Bacolod Masskara 2022 ang ila tagsa ka eksperyensya kalakip na ang adbokasiya sa pagpasakop sa pageant.
Dako ang pagpasalamat nanday Miss Bacolod Masskara Candidate No. 11 Airine Granada kag Candidate No. 12 Sandale Kishia Masangcay, lunsay 19 anyos ang oportunidad nga nahatag sang Bacolod Masskara Foundation kalakip na ang paggiya sang Aces and Queen nga naghanas sa ila.
Si Airine Granada, 5-feet-5 kag may waistline nga 26.5, ang 1st year college sa kurso nga BS in Nursing sa University of St La Salle (USLS) – Bacolod.
Siya ang nagapasakop naman sadto sa mga interschool ukon provincial pageants.
Pahayag sini nga siya ang nagpasakop sa Miss Bacolod Masskara bangod passion sini ang pageantry kag tuyo man sini nga mapromote ang advocacy kag makapalapnag sang awareness.
Aminado man ini nga siya ang ginkulbaan nga sa kapin 90 ka ginpaidalum sa screening, siya ang labing una nga gintawag gani ginpinsar sini nga siya ang mahimo malipatan sang mga judges.
Ginalantaw naman sini nga siya ang nagstand-out bangod sa iya nga passion kag ginapatihan kasubong man nga gikan sa tagipusuon ang iya nga mga sabat.
Todo naman ang pagsuporta sang iya nga iloy nga masami nagapahanumdom sa iya nga mangin passionate lang kag ipakita ang kaugalingon nga personalidad.
Sadto, nahanungod man sa health awareness ang iya nga adbokasiya bangod sa passion sini sa nursing, apang ginpili sini nga islan ang adbokasiya sa feminism kag gender equality.
Siya ang na-inspire sa nagakatabo sa karun kag luyag sini nga mapanas ang gender steriotypes ukon gender norms nga ginalantaw sini nga kinahanglan na sang pagbag-o.
Nagapati ini nga ang pagpati ang dapat mag-umpisa sa kaugalingon gani luyag sini nga ipalapnag sa iban nga tawo kag mabuksan man ang ila nga isip sa kaangay nga topiko.
Ginatinguhaan man sini nga makigpartner sa mga organisasyon nga may kaangay nga adbokasiya sa iya kag nagahatag access sa personal nga kinamatarong.Malipayon naman ini kun makakuha sang bisan ano nga crown, apang ang pinakatarget sini amo ang Miss Bacolod Masskara Universe kag Miss Bacolod Masskara International… SAMTANG, sa kaangot nga balita, ini naman ang una nga kahigayunan ni Miss Bacolod Masskara Candidate No. 12 Sandale Kishia Masangcay nga makigbahin sa pageant.
Si Sandale Kishia Masangcay, 19 anyos, 5-feet-4 kag may waistline nga 26 cm, ang sa karun 3rd Year College na sa kurso nga nursing sa USLS-Bacolod.
Paathag sini nga advance ang iya nga pag-eskwela bangod ginderetso ini sang iya nga lola sa Grade One imbes nga maglabay sa kinder.
Siya ang gina-atipan sang iya nga lola samtang ang iloy sini ang yara naman sa United Kingdom.
Si Masangcay ang half Filipina-Pakistani-Italian, ini bangod pure Filipina ang iloy sini samtang ang amay nga wala na sini makilala ang Pakistani-Italian.
Siya ang ginpadako naman sang iya nga lola kag lolo, nga nauna na nga nagtaliwan, samtang ang iloy sini ang nagapuyo sa abroad upod sa manghod.
Suno diri, proud ang iya iloy bisan pa ang iya nga step-father sa pagpasakop sini sa Miss Bacolod Masskara kun sa diin ginshare pa sang mga ini sa facebook ang nangin live-sashing.
Paathag pa sang kandidata nga siya ang ginduso lang sang bestfriend kag classmate sini sang Senior Highschool nga magpasakop.
Suno sa iya, nangin motto na sini ang mabuton ang tanan nga oportunidad nga maga-abot sa iya nga kabuhi.
Aminado ini nga sadto paman siya gina-encourage nga magpasakop sa mga pageant apang nahadlok pa ini bangod indi siya anad sa paghambal sa atubang sang publiko.
Paathag sini nga mas labi nga naggwa ang nursing-side sini sang magluntad ang COVID-19 pandemic gani adbokasiya sini sa pageant ang pag-expand sa healthcare access.
Focus naman sini ang pagpanaog sang healthcare access sa mga pigado nga kumunidad agud nga mamintinar sang mga ini ang ila ikaayong lawas.
Hugot ini nga nagapati nga ang ikaayong lawas ang pinakadako natun nga manggad nga wala sang makaagaw.
Siya ang may kongkreto naman nga mga plano may kaangtanan sa adbokasiya.
Kung siya ang makapartner sa isa ka Non-Governmental Organization (NGO) luyag sini magpatigayon sang free check-up, over the counter medication, free reproductive health services kag individualize health education sa mga pasyente ilabi na sa mga pigado nga kumunidad sa syudad sang Bacolod.
Aim naman sini kun mahimo nga makadaog sa Miss Bacolod Masskara amo ang Miss Bacolod Masskara Universe title.
Dako man ang pagpasalamat sini sa Bacolod Masskara Organization kasubong man sa Aces and Queens nga naghatag sa ila sang madamo pa nga ihibalo, skills kag sa mga pinaagi agud ma-imprubar pa ang performance sa pageant night.
