Duha ka mga priso sa BJMP-Taculing, nagtapungulay

Gin-athag sang pamunuan sang Bureau of Jail Management and Penology (BJMP) Taculing nga wala sang riot nga nagluntad sa sulod sang prisuhan.

Ini ang gin-athag sang warden nga si Chief Inspector Jairus Anthony Dojillo, kasunod sang report nga nabaton sang Bombo Radyo Bacolod nga may yara sang riot nga nagluntad sa prisuhan.

Nahisayran sa warden nga may yara sang duha ka priso nga nagtapungulay.

Santo sa impormasyon, nagapaminta kag nagpangiskis ang isa ka priso apang may yara sang isa man ka inmate sa sulod sang selda nga nagreklamo.

Sang nakatapos na paminta ang isa, gindabukan man sang iban nga inmate ang istorya rason nga nagtapungulay ang duha.

Suno sa warden, may kaso nga murder ang duha ka mga inmate nga nagtapungulay.