Gin-anunsyar sang pinuno sang Land Transportation Office– Bacolod nga igatukod sa ciudad ang duha ka mga private motor vehicle inspection center kun sa diin diri dapat ipatsekyar ang mga salakyan kag motorsiklo antes irehistro sa LTO.
Sa interview sang Bombo Radyo kay LTO Head Reuben Tampos, ginpahayag sini nga ang mga pribado nga kumpaniya ang magapatigayon sang inspection apang kinahanglan nga accredited ini sang Department of Transportion.
Suno kay Tampos, ready for operation na ang center nga ginatukod sa BREDCO Port samtang padayon pa nga ginaconstruct ang sa bahin sang Baranagy Alijis.
Suno sa iya, gina-implementar ini sa bilog nga pungsod agud malikawan ang mga aksidente sa dalanon kag sa Region 6, may mga sites na nga gin-aprubahan ang ila application.
Sa karun suno diri, nagapadayon man ang construction sa Cadiz kag Kabankalan.
Nalakip sa mga salakyan nga dapat ipaidalum sa inspection antes magparehistro amu ang motorsiklo, tricycle, truck kag mga pribado nga salakyan.
