Ginkumpirmar sang Philippine Coast Guard (PCG) ang presensiya sang duha ka warships sang Estados Unidos nga nahamtang 30 nautical miles nagikan sa Panatag (Scarborough) Shoal.
Namonitor ang USS Higgins (DDG-76), isa ka guided-missile destroyer, USS Cincinnati (LCS-20), kag isa ka littoral combat ship sa lugar pila ka adlaw matapos ang pagbungguanay sang duha ka barko sang China sa baybayon nga sakop sang Pilipinas.
Suno kay Commodore Jay Tarriela, tagpamaba sang PCG para sa West Philippine Sea, ang presensya sang mga barko sang US ang natabo kasunod sang insidente sang Agosto 11 kun sa diin ang China Coast Guard (CCG) vessel nga may hull number 3104 ang nagbunggo sa isa ka warship sang People’s Liberation Army Navy (PLAN) samtang ginalagas ang barko sang PCG nga BRP Suluan.
