Patay ang duha ka mga lalaki kasunod sang komosyon nga nagluntad sa tunga sang ila mga pamilya sa banwa sang Hinigaran kagab-i.
Santo sa imbestigasyon sang Hinigaran Municipal Police Station sa pagpamuno sang hepe nga si Police Major James Latayon, pareho nga naga-inom ang pamilya Flores kag Tanagan sa Sitio Gallera, Brgy. Nanunga, alas-10:30 kagab-i.
Suno sa hepe, natapos na inom ang pamilya ni Van Flores nga isa mga napatay, kag naguwa ini kag nagkadto naman sa balay nanday Wilfredo Tanagan; Mark Joseph Tanagan; Freddie Tanagan kag Alan Yurag.
Nagluntad ang komosyon sang nagpalapit si Van sa mga Tanagan kag hinali lang nga may nagsinggit nga patay na ini.
Diri naman nagpalapit ang iya nga magulang nga si Varry kag nagbalos kag iya nabun-an si Yurag.
Napilasan man si Varry kasunod sang insedente.
Gindala ang mga pilason sa Hinigaran Emergency Clinic samtang gindeklarar naman nga dead on-arrival sanday Van kag Allan.
Samtang nagpalagyo naman sa wala nahibaluan nga direksyon si Wilfredo.
