Duha ang kumpirmado nga napatay matapos ginbungguan sang mga hubog nga Indian nationals nga nagasakay sa pribado nga salakyan sa Brgy. Alangilan, Bacolod City sang Biyernes Santo sang gab-i.
Sa interview sang Bombo Radyo Bacolod sa Barangay Tanod, nagaprusisyon ang mga ini sang natabo ang hit and run.
Suno sa Barangay Tanod ang prusisyon pabalik sa Barangay Alangilan gani nagliko na sila pasaka apang sang nakaliko na nag-overtake ang tricycle nga ginadrive sang lay minister kag naga-angkas ang Barangay Tanod kag iban pa.
Suno sa Barangay Tanod ang Pula nga Toyota Innova ang tuman kadasig nga nagapadalagan halin sa Barangay Alalingan padulhog sa Barangay Granada kun sa din gin-arado sini ang tricycle nga nagtabog kaupod ang mga sakay sini kag nagtupa sa police patrol car sang Bacolod City Police Station 5.
Bangud sa mabaskog nga impact nawasak ang wind shield sang patrol car kag nadunot man ang tricycle.
Isa ang napatay on the spot samtang ang isa naman ang gindeklarar nga dead on arrival sa ospital.
Padayon nga ginabulong sa nagkalain-lain nga hospital ang mga nagkalasamaran.
Nagtuyo pa nga magpalagyo ang pribado nga salakyan apang ini ang nadakpan man.
Ini ang ginabug-usan sang lima ka Indian nationals kun sa diin ang driver kag ang nagapungko sa passenger seat ang gindala sa Doctors Hospital bangud sa naangkon nga samad.
Samtang ang tatlo ka iban pa ang yara sa karun sa paghinakop sang Bacolod Police Station 5.
