Nagtakop na ang indoor season sang Filipino Olympic pole vaulter nga si EJ Obiena matapos nga nakuha sini ang eigth place sa Mondo Classic sa Uppsala, Sweden.
Wala natigayon sang World No.4 pole vaulter nga maclear ang 5.80 meters.
Una nga naclear sini ang 5.50 meters kag 5.65 meters, apang nagamit sini ang tanan ang tatlo ka attempt para sa 5.80 meters.
Samtang, liwat na naman nga nagpanguna ang World No. 1 pole vaulter nga si Armand Duplantis sang naclear sini ang 5.65 meters, 5.90 meters, 6.00 meters kag 6.05 meters.
Apang wala sini naclear ang 6.28 meters nga amo naman ang mangin bag-o nga world record.
Madumduman nga nagpayahag si Obiena nga mamiss sini ang World Indoor Championships samtang nakasideline ini sang pila ka bulan bangod sa back injury apang nagbalik sa competition sang Enero.
Sa karun, ginapreparahan naman sang 29 year old athlete ang tournament para sa outdoor season.
