Ekonomiya sang Pilipinas, maapektuhan sang kinagamo sa Middle East suno sa Bangko Sentral ng Pilipinas

Nagpaandam si Bangko Sentral ng Pilipinas Governor Eli Remolona Jr. nga mahimo maapektohan ang ekonomiya sang Pilipinas bangud sa kinagamo sa Middle East.

Ang kwarta nga ginapadala sang 2.5 milyon ka Pilipino nga nagatrabaho didto ang importante sa ekonomiya sang Pilipinas gani mabudlay kun ini ang ma-delay.

Kadungan sini, ang pagsaka sang presyo sang produktong petrolyo sa kalibutan ang mahimo magtuga sang mas madasig nga pagsaka sang presyo sang iban pa nga balaklon.

Suno kay Eli Remolona Jr., ang pinakauna nga katuyuan sang gobyerno subong ang sigurohon nga luwas ang mga OFW kag kun mahimo makabalik sila sa Pilipinas.