Na-utod ang suplay sang kuryente sa madamo nga lugar sa Iran lakip na sa kapital nga Tehran matapos ang pagpangbomba sa electricity infrastructure.
Ini ang ginkumpirmar sang energy minister samtang nagapadayon ang gyera sang US, Israel, kag Iran.
Suno sa ministry sang state media, nag-igo ang isa ka shrapnel sa electricity grid sa bahin sang probinsya sang Alborz nga nagresulta sang pagka-utod sang kuryente sa Tehran lakip na ang ciudad sang Karaj.
Ginahikot pa sang otoridad nga mabalik ang suplay sang kuryente.
Samtang suno sang Israel Defense Forces, gin-target nila ang “Iranian terror regime” sa Tehran.
Nabatian man suno sa reports ang mabaskog nga pagsinigabong sa kapital.
Gindugang man sa Iranian media reports nga may university sa central city of Isfahan nga gin-atake man.
