Embankment activity ni Councilor Vladimir Gonzales sa Barangay Banago, gindagdagan na sang cease and desist order

Nagpapanaog sang cease and desist order si Bacolod City Mayor Alfredo Benitez batok sa Home Invest Ventures Inc., kumpaniya ni Councilor Vladimir Gonzales tuhoy sa embankment activity nga ginapatigayon sini sa Purok Bayanihan, Barangay Banago, Bacolod City.

Kahapon, nagpapanaog sang mando ang alkalde sa kumpaniya sang konsehal nga untaton ang pagtukod sang embankment nga may slope protection sa isa ka propedad sa nasambit nga purok.

Ini matapos nagreklamo ang mga pumuluyo batok sa proyekto bangud ang mga materyales nga ginagamit sa operasyon ang nagapugong sa mga waterways.

Ang cease and desist order ang napetsahan Setyembre 9, 2022 kag nabaton sang talatapan ni Gonzales kahapon, Setyembre 12, 2022.