Nagluntad ang engkwentro sa tunga sang 15th Infantry Battalion (15IB) sang Philippine Army batok sa remnants sang South Western Front (SWF) sang New Peoples Army sa So Lomboy, Brgy Caliling, Cauayan, Negros Occidental, kaina alas- 11:50 sang udto.
Sa interview sang Bombo Radyo kay 3RD Division Public Affairs Office Chief Capt Jesse Jun Ebalan, naglawig sa tatlo ka minutos ang pagbaylohanay sang lupok sa tunga sang NPA kag Philippine Army.
Suno diri, ang engkwentro nagluntad malayo sa mga pamalay amo nga wala na sang may ginpatigayon nga pag-evacuate sa mga residente.
Suno kay Ebalan, nagpatigayon gilayon ang militar sang clearing operation sa area.
Panawagan sini sa mga pumuluyo nga indi magkahadlok kag magkooperar sa militar ukon security forces para mangin hilway sa ano man nga untowards incident.
