Pabor ang presidente sang Philippine Biodiversity Conservation Foundation Incorporated sa plano sang provincial government nga pagpang-utod sang 300 ka mga puno ka eucalyptus sa Panaad Park and Stadium.
Sa interview sang Bombo Radyo Bacolod kay Errol Gatumbato, ginpahayag sini nga “long overdue” na ukon madugay na tani nga gintapas ang nasambit nga kahoy bangud isa ini ka envasive specie.
Suno kay Gatumbato, ginapatay sang eucalyptus tree ang mga native species kag grabe indi magsuyop sang tubig.
Nahibaluan nga matapos matapas ang mga puno sang eucalyptus, islan ini sang mga endemic trees kag panamion ang landscape.
Una na nga ginpahayag nga utdon ang mga kahoy antes ang Panaad sa Negros Festival agud maghawan ang lugar kag mahatagan sang dako nga espasyo.
