Ginpahayag sang pinuno sang Negros Occidental Provincial Disaster Risk Reduction Management Office (PDRRMO) apisar sang madamol nga pag-ulan kahapon dala sang Bagyo Verbena sa mga Local Government Unit sang probinsya, diutay lang ang epekto sini kun ipaanggid sang naglaslas ang Bagyo Tino sang Nobyembre 4, 2025.
Sa interview sang Bombo Radyo Bacolod kay Irene Bel Ploteña, sa kabug-usan sa probinsya sang Negros Occidental may yara sa 176 ka Barangay ukon 48,853 families ang naapektuhan sang Bagyo Verbena.
Ang mga yara sa sulod sang evacuation centers ang nagdangat sa 6,734 ukon 21,878 individuals.
Sa incident monitored naman sa banwa sang Don Salvador Benedicto may yara sang mga nagkalatumba nga puno sang kahoy, may pagbaha sa San Carlos City, kasubong man sa Eb Magalona, Bago, San Enrique, Kabankalan City kag Himamaylan City.
Wala man sang casualty kag ginalauman nga wala lamang sang ireport.
Halos tanan nga LGUs sa probinsya sang Negros Occidental ang nag-suspend sang klase.
15 ka mga LGUs naman kalakip na ang provincial government sang Negros Occidental ang nagreport sang work suspension bangud sa wala untat nga pag-ulan dala sang bagyo.
Suno pa kay Plotena may reported man nga mga dalan nga indi maagyan sa San Carlos City bangud sa pagbaha.
Nagdangat naman sa lima ka mga partially damage nga mga balay bangud sa bagyo.
Sa kabug-usan ka mga LGUs nga nalakipan sang Toboso, San Carlos City, DSB, Sagay, EB Magalona,Talisay, Murcia, Valladolid, Bago, Puntevedra kag La Carlota.
Nagpanugyan man ini sa mga pumuluyo nga sa tion sang bagyo kag makita nga indi na maayo ang sitwasyon sa ila lugar mag-evacuate na para sa ila nga safety.
