May yara na sang tatlo ka mga anggulo nga ginatutukan ang Escalante City Police Station sa pagtiro-patay kay incumbent SP member Bernardino “Toto” Patigas sang tinalikdan nga Lunes nga adlaw.
Sa interview sang Bombo Radyo Bacolod kay Police Captain Ronald Santillan, deputy station commander sang Escalante City PNP, tatlo ka mga anggulo na ang ila natumod sa pagpatay sa konsehal nga amo ang Politika bangud nagaserbisyo ini bilang konsehal sang ciudad, subong man sa kaso sini nga murder kag frustrated murder, kag ang iya sini nga pagkahuman rights advocate.
Ginpahayag man sini nga wala pa sila sang persons of interest nga amo ang ila matudlo nga responsible sa pagpatay sa biktima.
Wala man sang problema suno sa iya ang pamilya ni Patigas bangud nagakooperar man ang mga ini sa imbestigasyon sang kapulisan.
Nahibaluan nga ginpahamtang na sa category orange ang ciudad sang Escalante gikan sa category yellow sa diin ang category orange ang makabig nga immediate concer.
Date of airing: April 24, 2019
