Naqualify sa final round para sa “Patalasan sa # Yamang Kalawakan Ideation Contents” sang Philippine Space Agency (PhilSA) ang Dr. Vicente F. Gustilo Memorial National High School sa ciudad sang Cadiz, Negros Occidental.
Sa interview sang Bombo Radyo kay school principal Dindo Ampalla, duha ka Grade 12 science, technology, engineering and mathematics (STEM) students sang nasambit nga buluthuan ang nakasulod sa competition nga patigayunon sa Manila sa Agosto 10.
Suno diri, sa probinsya sang Negros Occidental sila lamang naqualify.
Sa bahin naman sang Western Visayas may yara man sang naqualify gikan sa Cebu kag Iloilo.
Apang, sa 88 ka mga ginpasa nga entries, siyam lamang ka buluthuan sa bilog nga pungsod ang napilian.
Suno kay Ampalla, sila ang nagpasa sang video entry nga nagapakita sang impromasyon sang benepisyo makuha sa space resources.
Sa competition naman sa Sabado, sila ang magapa-indis indis sang ila nga satellite model nga maggamit sa space mission.
