Nakuha sa bag sang isa ka estudyante sa ciudad sang Bacolod ang gina-alegar nga suspected dried marijuana kahapon, Miyerkules, July 22.
Sa interview sang Bombo Radyo Bacolod kay Police Captain Andy Ofalia, Officer-in Charge sang Bacolod Police Station 5, may nagtawag sa ila nga isa ka eskwelahan nga may sang gina-alegar narekober nga suspected marijuana sa bag sang isa ka estudyante.
Suno kay Ofalia, gin-endorse sa ila ang nasambit nga recovery kag ila man ini gin-inventory.
Ang narekober nga ginapatihan marijuana ang ginabanta nagabalor sang P1,000.
Suno sa Officer-in Charge, ang suspected Marijuana ang nakita sang gwardiya sang isa ka eskwelahan sa bag sang estudyante samtang naga-inspect sa entrance sang eskwelahan.
Sa karun, padayon ang imbestigasyon sang mga kapulisan sa nasambit nga insidente.
