Masobra P1.3 million ang suspected shabu nga nakumpiskar gikan sa estudyante nga lalaki kag babayi nga negosyante sa Osorio St., Lopez Subdivision, Barangay 3, Vistorias City.
Suno kay P/Lt Judesses Catalogo, spokesperson sa Negros Occidental Police Provincial Office (NOCPPO), ang joint operation ang ginpatigayon sang Regional Drug Enforcement Unit (RDEU) kag Victorias City Police Station.
Nadakop sa operasyon ang subject person nga ginkilala kay Denmark Lescano, 26 anyos, estudyante kag live-in partner sini nga si Marie Joe Acunia, 37 anyos, negosyante, lunsay mga residente sa nasambit nga lugar.
Pahayag ni Catalogo nga isa ka bulan ang monitoring sa duha antes ginpatigayon ang operasyon kun sa diin natumod nga si Lescano ang surrenderee sa tokhang kag kalakip sa Top 10 priority list sang Victorias City Police Station samtang si Acunia ang nagpaidalum man sa rehabilitation program.
Narecover sa duha ka suspetsado ang duha ka sacher sang suspected shabu nga buybust item, kasubong man ang dugang pa nga 23 ka sachet sang suspected shabu nga nakuha sa ila possession.
Magluwas diri, nakuhaan man sang duha ka knott tied transparent plastic bag nga naga-unod sang suspected shabu ang mga suspetsado nga sa kabug-usan ginabanta nagadangat sa 200 gramos kag nagabalor sang P1,360,000.
Magluwas sa mga suspected shabu, narecover man sa mga ini ang isa ka improvised home-made shot gun, duha ka live ammunition sang 12 gauge shot gun, isa ka blade cutter knife, isa ka belt bag, isa ka sling bag, coin purse, duha ka unit sang cellphone isa ka blue nga plastic bag kag pila pa ka mga non-drug items kasubong man ang P1,000 nga ginapatihan benta sa pagbaligya sang iligal nga droga.
Ang duha ang pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002 kag Republic Act 10591 ukon Comprehensive Fire Arms and Ammunition Regulations Act.
Pahayag ni Catalogo nga santo sa statement sang maglive-in partner, ginakuha nila ang supply sa syudad sang Bacolod kag masarangan nila nga makapaubos sang 200 tubtob 500 gramos sang shabu sa isa ka bulan.
