Gindagdagan sang show cause order si Executive Assistant to the Governor Francis Velez matapos nga iya ginpakay-o ang sofa sa Governor’s Office nga wala nag-agi sa husto nga proseso.
Suno kay Provincial Legal Officer Atty. Alberto Nillas Jr. nga amo ang acting provincial administrator, ginpagwa ni Velez ang mga sofa kag furnishings sa Governor’s Office para ipa-repair ang cover.
Suno kay Nillas, nagdangat sa kapin P130,000 ang gingasto sa upholstery, apang santo sa ila pag-usisa mahimo lamang nga maglab-ot sa kapin P50,000 ang magasto para diri.
Wala man naglabay sa husto nga proseso ang pagparepair kaangay na lamang sa bidding kag pagpasa sang mga kinahanglan nga dokyumento.
Suno kay Nillas, may yara sang bayolasyon sa procurement law si Velez kag siya ang ginhatagan sang tubtob sa Lunes para magpasa sang sabat sa show cause order nga gindagdag sa iya.
