Gin-aprubahan ni Agriculture Secretary Francisco Tiu Laurel Jr. ang pag-export sang 100,000 metric tons nga kalamay sa Estados Unidos agud mapasaka ang naganubo nga presyo tuga sang madamo nga supply diri sa pungsod.
Suno kay Laurel, ang exportation ang makabulig agud nga mabuhinan ang sobra nga supply sang kalamay.
Gin-ugyonan man ni Sugar Regulatory Administration (SRA) administrator kag chief executive officer Pablo Luis Azcona ang tikang nga pagahimuon sang Department of Agriculture, kag ginapatihan nga ini ang makabalanse sang supply kag demand sang kalamay.
Nagapati ang gobyerno nga ang rasun sang pagnubo sang presyo sang kalamay ang bangud sa maayo nga produksyon gani nagasulobra ang supply, apang ang mga kritiko ang nagahambal nga ang importasyon ang kabangdanan sang oversupply.
