Suspendido tubtob subong nga adlaw, Abril 2 ang klase sa preschool, elementary, high school kag senior high school sa pampubliko nga eskwelahan sa ciudad sang Bacolod bangud sa mataas nga heat index.
Sa interview sang Bombo Radyo Bacolod kay Atty. Caesar Distrito, Punong Barangay sang Barangay Singcang-Airport, Bacolod City kag spokesperson ni Bacolod City Mayor Alfredo Benitez, ginpahayag sini nga kahapon, nagpagwa sang advisory ang alkalde sang ciudad agud nga suspendihon ang klase sa nasambit nga grade levels bangud sa mataas nga heat index.
Suno kay Distrito, ang face-to-face classes lamang sa preschool, elementary, high school kag senior high school sa pampubliko nga eskwelahan sa ciudad ang ginsuspend ang klase.
Samtang ang pribado nga eskwelahan ang may aircon gani nakadepende na sa school administrator ang pagsuspend sang klase kasubong man sa tertiary levels.
Suno diri, ang face-to-face classes lamang ang ginsuspend apang ang mga eskwelahan ang magapatigayon sa gihapon sang modular ukon online classes.
Ang objective sang pagsuspend sang klase ang agud nga malikawan ang malain nga dulot sang tuman kainit nga panahon sa mga kabataan.
