Nauso sa social media ang filter gani madamo ang nagakakibot kun ang tawo makita sa personal
Kaangay lamang sa natabo sa China, kun sa diin ginkibot sang sikat nga streamer ang linibo sini nga mga fans sang siya ang magbatun sang award bilang Top 12 most popular streamer’ sang isa ka online racing game.
Ang nasambit nga awards ang ginpatigayon sa Taicang, Jiangsu province, China.
Ini bangod lain ang ginalauman sang iya nga mga fans sa orihinal sini nga nawong sini sa personal, nga tuman ka layo sa iya nga social media profile picture.
Nakilala ang nasambit nga streamer bilang si Young Pet, kag nagsikat bangud nga maathag ini magexplain kag maghatag sang mga racing techniques gani madasig nga nakaangkon sang dako nga fan base sa China.
Sa adlaw sang awarding ceremony, excited kuntani ang mga fans nga makita ang ila nga ginaidolo apang sang maghatag sang mensahe si Young Pet, daw ginbasyahan sang mabugnaw nga tubig ang mga fans sa auditorium bangod ang nag-atubang sa ila ang suli sa ginalauman nga sexy kag maanyag nga babayi.
Tuman ang kakibot sang mga fans sini, bisan ang online audience sa appearance sang streamer bangud karun pa lamang nila ini nakita sang personal.
Matapos ang live appearance sang sikat nga streamer gilayon ini nga naglapta sa social media kag nagkuha sang nagkalain-lain nga reaksyon.
Bangud sa natabo nag-untat sa pagstream si Young Pet kag wala pa mahibaluan kun san-o magabalik.
