BACOLOD CITY-Mangin ang mga fashion designer sa Estados Unidos ang nagahalong man nga hilway sa coronavirus ang ila mga kliyente nga nagikan sa nagkalain-lain nga bahin sang kalibutan.
Sa interview sang Bombo Radyo Bacolod kay Kirsten Regalado, negrense fashion designer nga nagapuyo sa Miami, Florida, ginpahayag sini nga may yara sa karun sang tatlo ka kompirmado nga kaso sang COVID-19 sa bilog nga Florida apang wala pa man sang kompirmado nga kaso sa Miami.
Apisar sini suno sa iya, nagahalong kag nagapreparar sila gihapon.
Aminado si Regalado nga bangud isa ini ka international fashion designer, madamo ini sang mga kliyente nga nagikan sa nagkalain-lain nga parte sang kalibutan gani suno sa iya, ginapamangkot sini ang iya mga kliyente kun may yara sila sang travel history sa China, Italy kag South Korea.
Suno sa iya, wala man sang infected sa iya mga kliyente bangud hugot nga ginapatuman sang gobyerno ang screening sa mga turista nagikan sa iban nga pungsod.
Bisan ang fashion designer ang nagamintinar man sang matinlo nga hygiene agud indi man magakahangawa ang iya mga kliyente.
Aminado man si Regalado nga kun kaisa, indi sini mapunggan ang magkahangawa apang nagasalig ini nga ginahimo sang gobyerno ang tanan nga mga precautionary measures agud mangin hilway sila sa virus.
