Nagdugang sang bulawan nga medalya ang gymnast nga si Aleah Finnegan kag ang mga atleta sang jiujitsu nga sanday Kimberly Custodio kag Dean Roxas para sa Pilipinas sa 2025 Southeast Asian Games sa Thailand kahapon, Disyembre 11, 2025.
Nangin kampyon naman si Finnegan sa women’s vault finals apang gin-review kag ginre-computation matapos nga gin-request ni Philippine Olympic Committee president Abraham Tolentino antes ini opisyal nga gindeklarar bilang nagdaog.
Samatang, ginpierdi ni Custodio ang Thai sa finals kag nakuha ang bulawan sa jiujitsu ne-waza women’s 49kg samtang si Roxas naman ang nangin topped sa jiujitsu men’s 85kg event.
Nagdugang man ang Olympian swimmer nga si Kayla Sanchez sang duha ka silver medals gikan sa women’s 50m backstroke kag 200m freestyle event sang Miyerkules.
Nagdaug naman si Haylee Garcia sang silver sa women’s uneven bars samtang napierdi si Clarence Sarza sa Thai nga si Patcharakan Poolkerd kag nakakuha sang silver sa women’s 46kg category.
Nakakuha man si Yman Xavier Baluyo sang silver matapos siya napierdi batok kay Dinh Tung Dang sang Vietnam sa jiujitsu men’s 69kg ne-waza finals.
Samtang, ang gymnast nga si Justin Ace de Leon ang nakakuha sang bronze sa men’s rings kag sa men’s floor exercise. Nahibaluan nga nagsaka sa ikalima nga pwesto ang Pilipinas nga may 30 ka medalya sa pinakaulihi nga tally sang 2025 SEA Games kahapon sang Disyembre 12.
