Sulod na sa semifinals sang Miami Open sa Amerika si Filipino Tennis star Alex Eala nga World Rank no. 140 matapos sini ginlutos si World Rank no. 2 Iga Swiatek sang Poland.
Sa hampang kahapon sang aga, oras sa Manila, liwat nga ginkibot sang 19 anyos nga Pilipina ang kadam-an matapos makascore sang 6-2, 7-5 batok kay Swiatek.
Bangod sa kadalag-an si Eala ang sulod na sa Semifinals kag sunod sini nga makasumpong ang 31 anyos nga World no. 4 nga si Jessica Pegula sang Estados Unidos, nga nagpierde naman kay World no. 60 Emma Raducanu sang United Kingdom.
Si Eala ang nakasulod sa torneyo bilang “wilcard” entry,” apang tatlo ka Grand Slam champions ang iya ginpaluhod padulong sa semis.
Ginselebrar man sang mga Filipino athletes kag celebrities ang pagdaog ni Eala.
Kalakip na diri si Philippines’ first Olympic Gold Medalist Hidilyn Diaz, kag celebrities nga sanday David Licauco kag Carla Abellana.
