Nakakuha sang gold medal ang Filipino Gymnast nga si Carlos Yulo nga nagbulig sa Olympique Antibes-Juan-les-Pins Gymnastique agud maangkon ang kampeonato sa French Men’s Artistic Gymnastics Top 12 Final sa Amiens, France.
Nag-compete ang Filipino star sa OAJLP Gymnastique, isa ka club nga naka-base sa Antibes, samtang ang Top ang isa ka club competition sa gymnastics sa France kun sa diin magaatubang ang 12 ka mga pinakamaayu nga atleta sa head-to-head format.
Ginpakita liwat ni Yulo ang iya maayu nga performace sa pareho nga lugar kun sa diin siya nagdaog sang gold medal sang 2024 Paris Olympics agud pangunahan ang French squad sa kampeonato.
Sa iya nga kadalag-an, nabuslan sang OAJLP Gymnastique ang ASVG Vallauris sa ila trono.
Nakakuha si Yulo sang 14.250 sa iya high-difficulty parallel bars routine kag nakakolekta sang 15.050 puntos sa floor exercise.
Suno kay Yulo, proud siya sa ila eksperyensa kag nagpasalamat sa paghatag sang kooperasyon sang team sa competition floor.
