-- ADVERTISEMENT --
Madinalag-on nga nadepensahan sang Filipino pole vaulter nga si EJ Obiena ang iya nga korona sa 20th Asian Games matapos magpanguna sa men’s pole vault final sa Aichi-Nagoya, Japan.
Ginsiguro na ang bulawan nga medalya para sa Pilipinas sang ma-clear ang 5.75 meter.
Wala diri natapos ang iya nga dominasyon bangud ginpasaka pa ni Obiena ang baras agud nga malapawan ang kaugalingon nga record sa Asian Games.
Paagi sa matinlo nga 5.91 meter clearance, opisyal niya nga ginguba ang iya sadto nga tournament record kag liwat nga naghimo sang maragtas sa patag sang athletics.
Liwat nga ginpamatud-an sang World No. 2 pole vaulter ang abilidad sini sa pole vault sapihak sang mga pagpanghangkat nagikan sa mga kasumpong nga atleta.
-- ADVERTISEMENT --
