Nagdangat na sa 91 ang na-record nga firework-related injuries sa Pilipinas.
Sa summary report sang Department of Health (DOH), halin Disyembre 21 tubtob 27, 2025, katumbas ini sang 34 percent.
Mas manubo kun ipaanggid sa mga kaso nga na-record sa pareho nga period sang nagligad nga tuig.
Kalabanan sa reported cases ang nagikan sa National Capital Region (NCR) kun sa diin nagdangat na ini sa 40.
Ginsundan ini sang Ilocos Region nga may 10 kag Western Visayas nga may walo ka mga kaso.
Kalabanan sa mga biktima ang mga lalaki nga nagaedad sang 10 tubtob 14 anyos.
Kadam-an sa mga ini ang nakaangkon sang pilas bangud sang 5-star kag iban pa nga wala sang label nga firecrackers lakip na ang Boga, Kwitis, kag Pla-pla.
Padayon naman nga nagapanawagan ang DOH sa publiko ilabi na sa mga kabataan nga likawan ang paggamit sang palupok agud mapalayo sa disgrasya.
