Ginpangunahan ni First Lady Liza Araneta Marcos ang paghatag sang ayuda sa mga biktima sang paglupok sang Bulkan Kanlaon sa banwa sang La Castellana.
Ang aktibidad ang gin-updan man nanday Department of Health (DOH) Undersecretary Maria Rosario Vergeire, Department of Social Welfare and Developent (DSWD) Secretary Rex Gatchalian kag Department of the Interior and Local Government (DILG) Secretary Benjamin Abalos.
Kalakip sa mga ginpanagtag ang bugas, medical kits kag mga family foodpacks, samtang may puti nga envelope man nga gindaho sa mga biktima sang kalamidad.
Sa venue, ginlimitahan naman ang pagsulod sang mga nakasuksok sang green, yellow kag pink nga panapton.
Samtang nangin madasig lamang ang pagtinir sang First Lady sa banwa, kag upod sa Presidential Security Group, ini ang gilayon man nga naghatag sang bulig sa mga biktima sa ciudad sang Bago.
