Nagsaka ang utang sang Pilipinas gikan sa offshore creditors sang kapin 40 percent kun sa diin nagdangat ini sa $3.8 billion sa third quarter suno sa Bangko Sentral ng Pilipinas.
Sa ulihi nga data gikan sa central bank ginpakita nga gin-aprubahan Monetary Board ang $3.81 billion sa public sector foreign borrowings humalin sang Hulyo tubtob Setyembre.
Ang amount ang 36 percent nga mas mataas sangsa $2.81 billion nga narecord sa pareho nga period sang tinalikdan nga tuig.
Bangud sini ang public sector foreign borrowings ang nagdangat na sa $10.58 billion sa sulod sang nine-month period.
Suno sa BSP, ang bulk sang third quarter borrowings ang ginalakipan sang one bond issuance nga nagabalor sang $2.5 billion.
Ang borrowing ang ginabug-usan sang $778.59 million nga balor sang single program loan sang economic recovery, environmental protection kag climate resilience.
Ang nabilin nga $535.97 million ang magacover sang proyekto sa maritime safety and support nga nagabalor sang $448.41 million kag agrarian reform nga nagabalor sang $87.56 million.
Ang tanan nga foreign loans ang ginkontrata kag gingarantiya sang kinahanglanon sang gobyerno antes paman ang approval sang BSP sa idalom sang 1987 Constitution.
Ang Pilipinas ang nagapangutang gikan sa foreign kag domestic creditors agud nga magfinance sa kakulang ang budget bangud mas dako ang gingasto sangsa ginakita ukon income.
Sa karun ang outstanding nga utang sang pungsod ang yara sa P15.55 trillion as of end-August.
