Ginalantaw sang foreign policy and security expert sa Pilipinas nga kambyuhon ni US President Joe Biden ang approach sang Amerika sa China baliskad sa ginhimo ni former US President Donald Trump.
Sa interview sang Bombo Radyo Bacolod kay Prof. Chester Cabalza, ginpahayag sini nga dapat mangin mahumok lamang ang approach sang Estados Unidos sa China indi pareho sa nangin antagonistic approach sang Trump administration.
Suno kay Cabalza, ginalauman nga mangin rising star sa ekonomiya sa ulihi ang Asya ilabi na ang mga pungsod China, India, Japan kag Indonesia gani nga dapat mangin abyan sang Amerika ang China ukon may yara sang friendly competition lamang.
Aminado man ini nga wala nangin epektibo ang trade war sadto ni anay US President Donald Trump.
Nahimo lamang ini ni Trump suno kay Cabalza bangud nga isa siya ka negosyante
