Nagahulat pa sang sign si former Bacolod City Mayor kag Congressman Monico Puentevella kun siya ang magabalik sa politika.
Sa interview sang Bombo Radyo Bacolod kay Puentevella, ginpahayag sini nga siya ang nagapangamuyo sa nagtaliwan sini nga asawa nga si late Josefa ‘Patching’ Puentevella nga siya ang hatagan sang sign.
Apang paathag sini nga siya ang indi magapapili bilang alkalde sa ciudad sang Bacolod ilabi na nga hinablos sini si Bacolod City Mayor Alfredo ‘Albee’ Benitez.
Ginalantaw man ini ang magapapili nga kongresista, kag sa tion nga indi sini mauyunan ang kandidato siya ang mahimo nga magkontra.
Isa sa luyag sini nga mabalik sa ciudad sang Bacolod amo ang anay programa sini nga Magbinuligay Kita sa Kauswagan (MKK) Medical Assistance Program.
Nakadepende man ang desisyon sini sa pagpapili kun makita nga siya ang luyag sang mga tawo nga magbalik sa pwesto.
Panindugan ni Puentevella nga sa mga problema sa karun nga gina-atubang, ang Bacolod City kag Negros Occidental ang nagakinahanglan sang kongresista nga magaserbe nga tingog agud kita ang mabatian.
Isa sa karun sa dapat nga ipalab-ot sa National Government nga dapat maulikdan amo ang problema sa industriya sang kalamay.g
