Ginkumpirmar sang Bureau of Jail Management and Penology (BJMP) nga nabaton na sang warden sang Pasig City Jail ang commitment order para sa pagpasaylo sa anay alkalde sang Bamban, Tarlac nga si Alice Guo sa Correctional Institution for Women (CIW) sa Mandaluyong.
Suno kay BJMP spokesperson Jail Supt. Jayrex Bustinera, ginasuguran na sang ahensya ang pagpreparar para sa medical kag laboratory examination ni Guo, isa ka proseso antes masaylo ang maskin sin-o nga detainee sa iban nga pasilidad.
Kun makakuha na ini sang medical clearance, ginalauman nga matigayon ang pagsaylo sa iya subong nga semana.
Madumduman nga ginbasura sang Pasig City Regional Trial Court Branch 167 ang motion sang kampo ni Guo nga magpabilin sa Pasig City Jail Female Dormitory, sa baylo nga mapadala sa CIW sa Mandaluyong.
