Ginapatihan nga yara sa Portugal si former Ako Bicol Representative Elizaldy “Zaldy” Co sa tunga sang nagapadayon nga pag-aresto sa mga imbolbado sa ginaalegar anomaliya sa flood control projects sa Oriental Mindoro suno sa Department of the Interior and Local Government (DILG).
Suno kay DILG Secretary Jonvic Remulla, posible nga may yara sang duha ka passport si Co lakip na ang isa ka Portuguese passport nga ginaalegar nakuha sini pila ka tuig na ang nakaligad.
Suno kay Remulla, kanselado na ang iya Philippine passport apang nagatuga sang komplikasyon ang pag-angkon sini sang dual travel documents.
Wala man sang extradition treaty ang Pilipinas kag Portugal gani posible nga mangin pagpanghangkat ang pag-aresto sa iya kun mapamatud-an nga yara sa nasambit nga pungsod ang anay kongresista.
