Nagtaliwan na sa edad nga 76 anyos ang Former heavyweight champion nga si George Foreman, nga napierde sadto batok kay Muhammad Ali sa boxing iconic nga “Rumble in the Jungle” sang 1974 kun sa diin nareclaim sini ang title matapos ang duha ka dekada.
Gin-anunsyar sang pamilya ang pagtaliwan ni Foreman kahapon kag nagpangayo sang privacy sa karun.
Si Foreman ang ginbun-ag sang Enero 10, 1949 sa Texas, kun sa diin ang nagpadako sa iya ang masami nga wala sa balay kag hubog.
Ulihi na lang nahibaluan ni Foreman nga indi sini matuod nga amay si J.D Foreman sang nagdaog ini sa world heavyweight kag didto na nagpakilala ang iya amay nga isa ka World War II veteran.
Sa pagdako sini, masami nga involved sa kinagamo si Foreman kag nag-untat na sa pag-eskwela sa edad nga 16 kag snagsulod sa boxing.
Ginpahayag man sini nga luyag niya sadto mangin football player apang nagsulod ini sa boxing para mapakita sa iya mga abyan nga wala ini sang may nahadlokan kag kasunod sang 25 ka boxing fights siya ang nangin Olympic gold medalist.
Sang nag-abot ang tion nga nag-atubangay si Foreman kag Muhammad Ali sa sulod sang ring kun sa diin napierde sini ang world title nga aminado man siya nga dako ang nangin epekto sini sa iya.
Ang sunod sini nga campaign para sa title shot ang natapos sang napierde man ini sa isa ka contender nga si Jimmy Young sang 1977 sa Puerto Rico.
Matapos ang boxing fight, nagmasakit si Foreman kag nagretire sa edad nga 28.
Matapos ang 10 ka tuig, nag-anunsyar ini sang comeback para sa ginpatindog niya nga youth center.
