-- ADVERTISEMENT --
Nakabaton sang cash assistance ang 17 ka mga anay miyembro sang New People’s Army nga sa karun kabahin na sang peace and development community volunteers gikan sa nagkalain-lain nga ciudad kag banwa sa probinsya sang Negros Occidental.
P228,000 ang kabug-usan nga ginhatag nga assistance.
Ang seremonya ang gintambongan nanday 303rd Infantry Brigade Commander, General Orlando Edralin, 79th IB Commander, Lt. Col. Arnel Calaoagan, kag Negros Occ. Police Provincial Office Director Colonel Rainerio De Chavez kag Negros Occidental Governor Eugenio Jose ‘Bong’ Lacson.
Suno kay Lacson, ini ang nagapakita lamang nga insakto ang nangin desisyon sang mga anay rebelde nga magbalik sa sabak sang gobyerno kag sila ang suportado sang gobyerno.
