Former Syrian dictator Bashar al-Assad, ginsentensyahan sang death in absentia

Ginsentensyahan sang korte sa Syria ang ginpahalin nga diktador nga si Bashar al-Assad sang death in absentia.

Kasunod ini sang kaso angot sa war crimes kag crimes against humanity sa tion sang civil war sa nasambit nga pungsod.

Ini ang una nga desisyon batok kay Assad kasunod sang iya pagpalagyo pakadto sa Moscow kaupod ang iya pamilya.

Nagpalagyo si Assad kasunod sang kudeta sang Disyembre 2024 nga nagresulta sa katapusan sang masobra lima ka dekada nga pagdumala sang iya pamilya.

Ginpamatbatan man sang kamatayon ang pakaisa ni Assad nga si Atef Najib, nga anay nagapamuno sa political security sa southern Deraa province.