Naglakat sang 30 ka minutos si French President Emmanuel Macron sa New York matapos ang speech sini sa United Nations natuhoy sa pagkilala sang Palestine bilang isa ka estado.
Sa mga video footage, nagwa ini sa iya salakyan agud mag-istorya sa mga police officers matapos nga ginbalabagan ang iya salakyan agud makahatag sang ligwa sa pag-abot sang motorcade ni US President Donald Trump.
Si Macron, nga nagapabilin nga stuck sa likod sang metal barrier, ang nagkuha sang iya cellphone kag direkta nga gintawgan si Trump.
Samtang nagasandig sa barrier, ginkamusta sini si Trump kag ginhambalan nga siya ang nagahulat sa dalan bangud ginfreeze ang tanan para sa iya.
Pagkatapos sini, makit-an nga ginpahanugutan na si Macron nga makalabay apang paagi lamang sa paglakat kag indi sa salakyan.
Suno sa mga reporter, naglakat si Macron sang kapin 30 ka minutos kaupod ang iya security detail.
