Naghatag sang ideya ang actor nga si Tom Cruise kun ano ang sarang lauman kun yara na sa Hollywood ang Olympic Games, apat ka tuig halin subong.
Sa closing ceremony sang Paris Olympics, nagperform ang “Mission: Impossible” star sang daredevil stunt jump nagikan sa ibabaw sang Stade de France.
Nagtutok ang spotlight kay Cruise sa atop, kag ginpapanaog ini sa arena floor paagi sa cable.
Naglabay si Cruise sa mga atleta padulong sa stage, nag-shake hands kag nagselfie.
Bilang kabahin sang Hollywood handoff sa Los Angeles, nga amo ang host sang 2028 Olympic Games, ginkuha ni Cruise ang Olympic Flag, gintibsok sa likod sang motorsiklo kag nagdrive pagwa sa stadium samtang nagalabay sa mga atleta. Wala man sang nahalitan sa paglabay sang motorsiklo ni Cruise.
Daw kaangay sang movie magic, nakit-an si Cruise sa pre-taped segment nga nagasakay sa motorsiklo halin sa Paris tubtub nga nakaabot ini sa eroplano nga amo ang naglupad padulong sa Los Angeles.
Sa pagzoom out sang camera, si Cruise ang nakit-an nga yara na sa Hollywood sign kun sa diin ginbuslan sang Olympic rings ang duha ka O sa tinaga nga HOLLYWOOD.
