Mas mataas pa gid nga emission sang volcanic sulfure dioxide ang narekord kahapon sa Bulkan Kanlaon.
Ang gas emission ang nagdangat sa 5,083 tonnes per day nga amo ang ikaduha nga pinakamataas nga emission sang bulkan subong nga tuig.
May yara man sang nagaka-eksperyensyahan nga volcanic earthquake activity nga 10 events per day humalin sang naglupok ini sang Hunyo 3, 2024.
Padayon nga ginapahalong ang publiko samtang nagapabilin sa Alert Level 2 ang bulkan kag wala pa man ginapahanugutan ang pagsulod sa 4 kilometer radius Permanent Danger Zone.
Ginapahalong man ang mga nagapuyo malapit sa southern kag western slopes ilabi na ang nag-eksperyensya sadto sang lahar kag muddy streamflows.
Sa karun, padayon ang close monitoring sang Philippine Institute of Volcanology and Seismology (PHIVOLCS) sa status sang bulkan.
