Wala sang plano ang Gilas Pilipinas nga magdugang pa sang mga players para sa ila nga paghampang sa FIBA Olympic Qualifying Tournament sa Riga, Latvia.
Suno kay Gilas coach Tim Cone, nagdesisyon ang team nga indi na pag-islan si Scottie Thompson nga nagabatyag sang back injury.
Suno kay Cone, bisan 11 lang ang players sini, indi niya makita nga kulang sila bangud indi man tanan nga mga players ang pasudlon sa court.
Yara sa walo tubtob siyam ka players ang iya nga ginarotate sa tion sang hampang.
Madumduman nga ginlutos sang Gilas sang Lunes ang Taiwan Mustang sa 74-64 sa isa ka friendly game.
Magapadulong na sa Europe ang Gilas para sa duha pa ka friendly games batok sa Turkey kag Poland antes ang pag-umpisa sang Olympic Qualifying tournament nga magaumpisa sa Hulyo 2-7.
