Nagapadayon sa pagtraining ang Gilas Pilipinas Women agud malab-ot ang ila tinutuyo nga depensahan ang ila korona sa palaabuton nga 31st Southeast Asian Games, sa Mayo 12 tubtob 23 sa Hanoi, Vietnam.
Ang ila mga preparasyon para sa tournament ang nagsugod sang Pebrero kag may pool nga ginalakipan sanday Afril Bernardino, Janine Pontejos, Clare Castro, Khate Castillo, Chack Cabinbin, Andrea Tongco, Camille Clarin, Ella Fajardo, Kristine Cayabyab, kag Karl Ann Pingol.
Si Angel Surada ang nagbalik sa lineup para sa 3×3 kag 5×5 tournaments.
Nalakip man sa lineup ang mga new recruits nga sanday Stefanie Berberabe, Gabi Bade, kag Katrina Guytingco.
Indi naman makahampang sanday Mai-Loni Henson nga may yara pa sa tournament sa France kag Jack Animam nga nagapaayo pa sa ACL injury.
Suno kay Gilas Women head coach Patrick Aquino, nagalaom ini nga mahimo nila ang ila mga dapat himuon sa karun nga sila ang ulupdanay.
Nakahibalo si Aquino nga may yara sila sang target matapos nakuha sang pungsod ang labing una sini nga gold sang 2019 kag nagmarka sang labing una nga kahigayunan lunsay sa men kag women’s team sang Pilipinas nga nagpanguna sa SEA Games podium.
