Patay ang isa ka NBI asset matapos ginluthang sang mga suspetsado nga nagasakay sa pula nga SUV sa Purok Malalusan, Barangay 32, Bacolod City kainasang aga.
Ginkilala ang biktima kay Ramie Cientos, 62-anyos kag residente sang Barangay 29, Bacolod City.
Ginapahayag nga nagatambay sa isa ka tyanggesi Cientos sang gintiro ini sang wala makilal-an nga mga suspetsado sakay sa pula nga Toyota Innova.
Gilayon nga ginbawian sang kabuhi ang biktima mataposini mag-angkon sang madamo nga igo sang bala sa lawas.
Samtang, madasig naman nga nagpalagyo ang mga suspetsado sa wala mahibaluan nga direksyon.
Suno sa pakaisa sang biktima nga si Ruben, posible nga may kaangtanan sa iligal nga druga ang motibo sa pagpatay kay Cientos bangud nga madamo na ini sang nahibaluan bilang asset sang NBI.
Sa karon padayon pa ang imbestigasyon sang kapulisan angot sa insidente agud matumod ang motibo kag madakpan ang mga suspetsado.
